Падтрымаць каманду Люстэрка
Беларусы на вайне
  1. «Амкодор» национализировали решением Мингорисполкома с грифом ДСП? BELPOL передал «Зеркалу» непубличный документ
  2. «Обоим грозит исключительная мера». Застреленного в прошлом году мужчину заподозрили в подготовке теракта, по делу проходят его родители
  3. Путин согласен с предложением прекратить боевые действия в Украине, «но есть нюансы»
  4. Лукашэнка паскардзіўся, што яго ў Расіі «перыядычна» абвінавачваюць ва «ўтрыманстве», і прывёў свае аргументы, чаму гэта не так
  5. Навошта Лукашэнку паклікалі ў Маскву, дзе ён заявіў, што Беларусь не ўвойдзе ў склад Расіі? Спыталі ў аналітыка
  6. Лукашэнка на сустрэчы з Пуціным завысіў яўку на мінулых выбарах і колькасць галасоў у сваю падтрымку
  7. Улады перажываюць праз адток моладзі і думаюць, як яе ўтрымаць. Расказваем пра ідэі з закрытага дакумента (вам не спадабаецца)
  8. «Занадта блізкі да Украіны». Трамп адхіліў галоўнага прадстаўніка ЗША на перамовах праз прэтэнзіі Крамля — СМІ
  9. Заявления Путина о прорыве в Курской области могут говорить о его желании «затушевать» отказ от перемирия — эксперты
  10. «Я бы сделала это и бесплатно». Поговорили с беларуской, которая сыграла в фильме, получившем пять наград на «Оскаре»
  11. Чыноўнікі шмат разважаюць, што зрабіць, каб медработнікі не з'язджалі з краіны. Медсястра з мінскай бальніцы дала ім просты адказ
Читать по-русски

апублікавана: 
абноўлена: 

Па ўсёй тэрыторыі Украіны ў пятніцу, 10 лютага, у першай палове дня была абвешчаная паветраная трывога. Расія выпусціла не менш за 20 ракет у напрамку Мікалаева, Адэсы, Вінніцы, Львова, Кіева, Хмяльніцкага, Крывога Рога, Запарожжа і іншых гарадоў. Мясцовыя ўлады яшчэ ўдакладняюць маштабы шкоды, аднак ужо вядома пра прылёты ў аб’екты энергетычнай структуры. У Харкаўскай вобласці раненні атрымалі 7 чалавек.

Першыя ракеты былі выпушчаныя па Украіне прыкладна ў 9.30 паводле кіеўскага часу, другая хваля пайшла праз гадзіну.

— Працягваецца 14-я масіраваная тэрарыстычная ракетная атака на энергасістэму Украіны. На жаль, ёсць траплянне на некалькіх аб’ектах высакавольтнай інфраструктуры ва ўсходнім і заходнім, паўднёвым рэгіёнах, што прывяло да перабояў з электразабяспечаннем у некаторых абласцях, — паведамілі ва «Укрэнерга».

У ведамстве таксама расказалі, што расіяне пачалі атакаваць энергетычную інфраструктуру яшчэ ўначы, накіроўваючы дроны і ракеты на электрастанцыі і аб’екты сістэмы перадачы.

Выбухі ў пятніцу днём прагучалі ў Харкаве, Запарожскай, Адэскай, Палтаўскай, Кіраваградскай, Мікалаеўскай, Кіеўскай абласцях і Кіеве. Грамадзян заклікаюць заставацца ў сховішчах, таксама паведамляецца, што ў многіх выпадках гэта праца СПА.

Киевляне в метро ждут отбоя воздушной тревоги, Украина, 10 февраля 2023 года. Фото: Reuters
Кіяўляне ў метро чакаюць адбою паветранай трывогі, Украіна, 10 лютага 2023 года. Фота: Reuters

Прылёт па Харкаве пацвердзіў мэр горада. Ігар Церахаў паведаміў, што каля 10 гадзін раніцы ўдар быў нанесены па крытычнай інфраструктуры, у горадзе магчымыя перабоі са святлом і іншымі камунальнымі паслугамі.

«Адна ракета ў паветранай прасторы Малдовы (транзітам пакуль)», — паведаміў у сваім тэлеграм-канале кіраўнік Мікалаеўскай АВА Віталь Кім.

Кіраўнік Хмяльніцкай АВА Сяргей Гамалій піша, што чатыры ракеты ляцяць на захад Украіны.

Киевляне в метро ждут отбоя воздушной тревоги, Украина, 10 февраля 2023 года. Фото: Reuters
Кіяўляне ў метро чакаюць адбою паветранай трывогі, Украіна, 10 лютага 2023 года. Фота: Reuters

«Абломкі ракеты пашкодзілі аўтамабіль і дах прыватнага дома ў Галасееўскім раёне.

Ракетная атака працягваецца. Заставайцеся ў сховішчах!» — праінфармаваў кіяўлян мэр горада Віталь Клічко.

Выбухі чутныя ў Хмяльніцкім і Івана-Франкоўску — паведамляецца, што гэта праца ўкраінскай СПА.

Сакратар Запарожскага гарсавета Анатоль Курцеў пацвердзіў, што ў горадзе зафіксавалі два прылёты.

«Паводле папярэдняй інфармацыі, у выніку апошняга ўдару акупантаў, які адбыўся каля 10.30 раніцы ў Харкаўскім раёне, раненні атрымалі 7 чалавек. Двое з іх знаходзяцца ў цяжкім стане. Звесткі ўдакладняюцца», — паведаміў кіраўнік Харкаўскай абласной адміністрацыі Алег Сінягубаў.

У Хмяльніцкім пасля выбуху частка горада засталася без святла, магчымыя перабоі з вадой.

«Паводле папярэдняй інфармацыі, у Хмяльніцкай вобласці нашыя сілы СПА збілі адну крылатую ракету і адзін шахід. Але, на жаль, ёсць траплянне ў аб’ект крытычнай інфраструктуры Хмяльніцкай грамады. Пажар ліквідаваны, пацярпелых няма.

Матэрыяльная шкода падлічваецца», — удакладніў у сябе ў тэлеграм-канале кіраўнік Хмяльніцкай АВА Сяргей Гамалій.

У Львоўскай вобласці ў выніку абстрэлу могуць быць перабоі з электрычнасцю, заявіў кіраўнік абласной адміністрацыі Максім Казіцкі.

Галоўнакамандуючы Узброеных сіл Украіны Валерый Залужны заявіў, што падчас атакі дзве расійскія ракеты «Калібр» перасеклі мяжу Малдовы, а затым Румыніі, пасля чаго зноў увайшлі ў паветраную прастору Украіны.

Паведамляецца, што расійскіх ракет у небе над Украінай цяпер няма. Прыкладна апоўдні быў дадзены адбой паветранай трывогі.