З 23 красавіка ў Беларусі з’явіліся новаўвядзенні для кіроўцаў што да страховак. Адно з іх датычыць еўрапратаколу — ліміт выплат адвязалі ад еўра, цяпер ён вымяраецца ў базавых велічынях. Але ёсць і іншае новаўвядзенне па гэтых полісах, пра якое вы маглі не ведаць, — расказваем падрабязнасці.
Нагадаем, ліміт выплат па еўрапратаколе адвязалі ад еўра, цяпер ён вымяраецца ў базавых велічынях — да 150 (сёння гэта 6300 рублёў). Раней гэтая мяжа складала 800 еўра.
Па еўрапратаколах з’явілася яшчэ адно новаўвядзенне. Указам, які падпісаў Аляксандр Лукашэнка, увялі новую прычыну, з якой нельга афармляць такія полісы, — гаворка пра адсутнасць кантакту транспартных сродкаў. На гэта звяртае ўвагу Беларускае бюро па транспартным страхаванні.
«Цяпер выкарыстоўваць паведамленне пра ДТЗ можна толькі ў выпадку, калі меў месца кантакт (сутыкненне) транспартных сродкаў. Натуральна, удзельнічаць у ДТЗ павінныя не больш за два транспартныя сродкі. Ва ўсіх астатніх выпадках давядзецца выклікаць супрацоўнікаў ДАІ», — удакладнілі ў бюро.
Прычыны, з якіх у тым ліку немагчыма аформіць еўрапратакол, — шкода ад ДТЗ ацэньваецца больш, чым у 150 базавых велічынь; нанесеная шкода жыццю або здароўю; аварыя адбылася з удзелам больш чым двух транспартных сродкаў. Сярод іншых падставаў — адсутнасць ва ўдзельнікаў ДТЗ дамоваў абавязковага страхавання грамадзянскай адказнасці ўладальнікаў транспартных сродкаў.
Чытайце таксама
